Atyraýda jyl basynan beri ınternet alaıaqtyqtyń 550 deregi tirkelgen

ATYRAÝ. QazAqparat – Atyraýda jyl basynan beri ınternettegi 550 alaıaqtyqtyń deregi tirkelgen, dep habarlaıdy QazAqparat.

Atyraý qalalyq polıtsııa basqarmasy basshysynyń orynbasary Aıbek Tileshevtiń aıtýynsha, jyl basynan beri alaıaqtyq qylmysyna qatysty 1300-ge jýyq qylmystyq is tirkelgen. Onyń ishinde 550-ge jyq ınternet-alaıaqtyq deregi bar.

«Alaıaqtar ınternette taýardy satý nemese qyzmet kórsetý týraly habarlandyrý ornalastyrady. ıAǵnı, olar qurbandaryn taýardyń tómen baǵasymen, qoljetimdiligimen qyzyqtyrady. Keıin taýar baǵasynyń 50 paıyzyn aldyn ala tóleýdi suraıdy. Al tólem jasalǵannan keıin iske úshinshi adam aralasady. Aqshany alǵan soń zardap shegýshige taýardyń basqa elde ekeni, ony jetkizýde bolmashy qıyndyq týyndap jatqanyn aıtady. Budan soń alaıaqtyń telefony nómiri óshirilip, taýar da joq bolady», -deıdi Aıbek Tileshev.

Onyń aıtýynsha, turǵyndarǵa habarlasyp, ózin bank qyzmetkeri retinde tanystyratyn alaıaqtar da bar.

Olar klıenttiń kartasyna qatysty kúmándi operatsııa júrgizilgenin habarlaıdy. Osy áreketti buǵattaý úshin kartanyń artyndaǵy 3 tańbaly sandy suraıdy.

Árıne, adamdar oǵan tıisti málimetti beredi. Keıin máseleniń sheshilgenin aıtady.

Biraq olar osy sátte ınternet-bankıng arqyly zardap shegýshiniń esepshotyndaǵy aqshany sheship alady.

«Alaıaqtar mundaı áreketke muqııat daıyndalady. Ári adammen qalaı sóılesýdiń túrli tásilin biledi. Sol sebepten, alaıaqtardyń qurbany bolmaý úshin birneshe keńesti eskerý kerek. Birinshiden, jeke málimetterdi eshkimge bermegen, kúmándi, tekserilmegen aqparatqa senbegen jón. Qazir uıym nemese kompanııa týraly aqparatty ınternet arqyly tekserýge bolady. Ekinshiden, aldyn ala tólem jasamaı turyp, dúkenge habarlasý arqyly tapsyrys bergen taýardyń bar-joǵyn tekserý qajet. Úshinshiden, kúmándi kelisimder boıynsha aqsha aýdarýdan bas tartý kerek. Tórtinshiden, telefondaǵy qupııa sózdi (parol) jıii aýystyrýdyń mańyzy zor. Bul jeke málimetti basqa bireý paıdalanbaýy úshin qajet» - deıdi Aıbek Tileshev.

Eske sala ketelik, budan buryn Atyraýda alaıaq ýnıversıtetke aqysyz túsiremin dep úsh adamnyń 1,2 mln teńgesin alǵanyn habarlaǵan edik.