Atyraýda Jumeken Nájimedenov atyndaǵy kórkem sóz oqý sheberleriniń respýblıkalyq baıqaýy ótti

ATYRAÝ. QazAqparat – Atyraýda Ánuran avtorlarynyń biri, belgili aqyn JumekenNájimedenov atyndaǵy kórkemsóz oqýshylardyń respýblıkalyq baıqaýy ótti. Baıqaý el táýelsizdiginiń 30 jyldyǵyna arnaldy, dep habarlaıdy QazAqparat.

Atyraý oblysy ákiminiń orynbasary Baqytgúl Hamenovanyń aıtýynsha, bul baıqaý 2016 jyldan beri uıymdastyrylyp keledi.

«Baıqaýdyń maqsaty – Jumeken Nájimedenovtiń ádebı murasyn halyq, ásirese jastar arasynda nasıhattaý, aqynnyń shyǵarmashylyǵy arqyly adamgershilikke, ulttyq rýhqa, otansúıgishtikke tárbıeleý. Bıylǵy baıqaý «Táýelsiz elime – 30 jyl» dep ataldy», - deıdi Baqytgúl Hamenova.

Belgili qalamger Mereke Qulkenov tóraǵalyq etken qazylar alqasy elimizdiń ár óńirinen qatysqan jas kórkemsóz oqýshylardyń sheberligin sarapqa saldy. Ásirese, kórkem mátindi

oqý sheberligi, daýys máneri men til tazalyǵyna, kórkem mátindi tańdaý talǵamyna, sahnada ózin ustaýyna basa mán berdi. Sharaǵa aqynnyń úlken qyzy Aıken Nájimedenova da qatysty.

Qazylar alqasynyń sheshimimen Áıgerim Saǵatova (Qyzylorda oblysy), Nurmuhamed Serikbaev (Qostanaı oblysy) pen Husnı Ǵabsattar (Aqtóbe oblysy) 20 myń teńgeniń sertıfıkatyna ıe boldy. Úshinshi júldeniń 100 myń teńgelik sertıfıkaty almatylyq Merýert Ańsat pen jambyldyq Baqtııar Beknazarovqa berildi. Ekinshi júldeni (20 myń teńge) atyraýlyq Bulan Nurǵalıev ıelendi. Al, 300 myń teńgesi bar birinshi júldege

Pavlodar oblysynan qatysqan Rasýl Temesh laıyq dep tanyldy.

Baıqaýdyń bas júldesi – 400 myń teńgege Oral qalasyndaǵy №42 «Aq nıet» mektep-gımnazııasynda qazaq tili men ádebıeti páninen dáris beretin muǵalimi Abylaıhan Qýanyshev ıe boldy.

Eske sala ketelik, buǵan deıin Atyraýda Abaı murasyna arnalǵan sýretshiler sımpozıýmy

ótken bolatyn.