Atyraýda júk poıyzy men avtobýs soqtyǵysty
Keshe, 11 shildede bolǵan jol-kólik oqıǵasyn oblystyq polıtsııa departamentiniń baspasóz qyzmeti rastady.
«Atyraý qalasyndaǵy Raýan kóshesinde saǵat 14:00 shamasynda júk poıyzy men jolaýshylar tasmaldaıtyn qoǵamdyq kólik soqtyǵysty. Jol-kólik oqıǵasyna jolaýshy tasymaldaıtyn Youtoung markaly avtobýstyń temir jol boıyndaǵy qorǵalmaǵan aýmaqpen júrgeni sebep bolǵan», -dep habarlady departamenttiń baspasóz qyzmeti.
Belgili bolǵandaı, jol-kólik oqıǵasynyń saldarynan eki adam jaraqat alǵan.
Jedel járdem brıgadasynyń qyzmetkerleri jolaýshy tasymaldaıtyn qoǵamdyq kólikte bolǵan eki adamǵa medıtsınalyq kómek kórsetken.
Zardap shekkender oblystyq aýrýhananyń travmatologııa pýnktine jetkizilgen.
Eske sala ketelik, budan buryn Jaıyq ózeninde eki kater soqtyǵysyp, 9 adam aýrýhanaǵa túskenin jazǵan edik.
Jaıyq ózeninde adamdardy serýendetý qyzmetine paıdalanylǵan eki qaıyq soqtyǵysty. Sý kóliginiń birinde 10 adam, al ekinshi qaıyqta 25 adam bolǵan. Oqıǵa saldarynan túrli dene jaraqatyn alǵan 9 adam aýrýhanaǵa jetkizildi.
Keıin Atyraý oblystyq densaýlyq saqtaý basqarmasy basshysynyń orynbasary Almagúl Ábilova zardap shekkenderdiń jaǵdaıyn aıtyp berdi.