Atyraýda jolaýshy tasymaldaý shyǵynyn sýbsıdııalaý usynyldy
Onyń aıtýynsha, departamentke jolaýshy tasymalyna baılanysty kún saıyn shaǵymdar túsedi. Áleýmettik jelide de jaǵymsyz pikirler bar.
Osyǵan baılanysty departament basshysy Atyraý qalasynyń ákimi Meıirim Qalaýımen kezdesýde áleýmettik mańyzy bar jolaýshylar tasymalyn júzege asyrýǵa baılanysty shyǵyndardy bıýdjet qarajaty esebinen sýbsıdııalaýdy usyndy.
«Qazirgi ýaqytta Antıkor qyzmeti turǵyndardyń problemalyq máselelerin sheshýge baǵyttalyp otyr. Anaǵurlym tıimdi jumys isteý maqsatynda sybaılas jemqorlyq táýekelderiniń kartasy jasaldy. Onda protsesterdiń ashyq bolmaýyna, ákimshilik kedergilerge, zańnamanyń jetildirilmeýine baılanysty sheshimin tappaǵan ózekti máseleler naqty kórsetilgen. Qoǵamdyq kólik baǵytyn shalǵaı eldi mekenderden qala ortalyǵyna júrý marshrýtynyń aýysýyna, tipti sondaı marshrýttyń múldem bolmaýyna qatysty kóptegen shaǵym túsip otyr. Týyndaǵan máseleni sheshý úshin tasymaldaýshylardyń ortalyqtan qalanyń shetine deıin jáne keri qaraı áleýmettik mańyzy bar jolaýshylar tasymalyn júzege asyrý shyǵyndaryn bıýdjet qarajaty esebinen sýbsıdııalaýdy qarastyrýǵa bolady dep sanaımyn. Jolaýshylar úshin jol júrý tegin bolýy tıis. Bul turǵyndardyń qarjylyq ál-aýqatyn jaqsartýǵa múmkindik beredi», - deıdi Erlan Dosanov.
Atyraý qalasynyń ákimi Meıirim Qalaýı bul máseleni tez arada sheshý joldaryn tabýǵa ýáde berip otyr.
Sondaı-aq turǵyndardy ekologııalyq problemalar, onyń ishinde «Týhlaıa balka» polıgonyn qalpyna keltirý, tazartý qurylystaryn, qalanyń drenajdyq jáne káriz júıelerin qaıta jańartý, avtomobıl joldaryn jóndeýge qatysty máseleler talqylandy.
Eske sala ketelik, buǵan deıin Atyraýda oqýshylar jaz boıy qoǵamdyq kólikte tegin júretinin habarlaǵan edik.