Atyraýda jol ınfraqurylymyn jańartýdyń úshjyldyq baǵdarlamasy qabyldandy

ATYRAÝ. QazAqparat – Atyraýda jol ınfraqurylymyn jańartýdyń úshjyldyq jobasy qabyldandy, dep habarlaıdy QazAqparat tilshisi.

«Bıyl Atyraýda jol ınfraqurylymyn jańartýdyń úshjyldyq baǵdarlamasy qabyldanǵan bolatyn. Aýqymdy jańǵyrtý jobasyna joldardy keńeıtý, tas jol tóseý jáne zamanaýı kóshe jaryǵyn ornatý kiredi. Qazirgi ýaqytta 11 kósheni qamtıtyn 35 km joldy qalpyna keltirý jumystary júrgizilip jatyr. 15 km avtojol jóndeldi. 9 km velosıped joly, 53 myń kvadrat metr jaıaý júrginshiler joly jasaldy», - dedi Atyraý oblysynyń ákimi Álımuhammed Quttymuratuly.

Ákim qala kóshelerindegi aýqymdy jumystar jalǵasyn tabady dep málimdedi. 1 qańtardan bastap Atyraý qalasy ǵana emes, Mahambet aýdanyndaǵy Almaly jáne Bereke aýyldaryna da jóndeý jumystary júrgiziledi. Jańa tas jol qala syrtyndaǵy eldimekenderge de tóseledi.