Atyraýda jertóleni esirtki jasaıtyn zerthanaǵa aınaldyrǵan 3 adam ustaldy

ATYRAÝ. QazAqparat – Atyraýda jertóleni esirtki daıyndaıtyn zerthanaǵa aınaldyrǵandar ustaldy, dep habarlaıdy QazAqparat polisia.kz silteme jasap.

QR ІІM Ekstremızmge qarsy is-qımyl departamenti men «Arlan» jasaǵy basqa da quqyqtyq uıymdarmen birlesip arnaıy operatsııa uıymdastyrdy. Nátıjesinde quramynda esirtki zattary bar, ósirýge tyıym salynǵan ósimdikterdi ósirgen úsh kúdiktini ustaldy. Olar qala aýmaǵyndaǵy jeke jertólelerdiń birin esirtki zerthanasyna aınaldyrǵan. Onda jaryq, jylý, aýa almastyrý jáne t.b. qurylǵylary ornatylǵan.

«Operatsııa kezinde shaǵyn jylyjaıdan 17 dana qarasora butasy tárkilendi. Kúdiktilerdiń turǵylyqty jerin tintý kezinde sýyq qarý men marıhýana esirtkisin paıdalanýǵa arnalǵan quraldar, el aýmaǵynda tyıym salynǵan dinı ádebıetter tárkilendi. Kúdiktilerdiń destrýktıvti dinı aǵymnyń ustanýshylary ekendigi de belgili boldy. Atalǵan derek boıynsha sotqa deıingi tergep-tekserý júrgizilýde», - delingen habarlamada.

Qazirgi ýaqytta úsh kúdikti qamaýǵa alyndy.