Atyraýda Jeńis kúnine oraı ótken jarysqa 80 avto men mototsıkl qatysty
21:17, 10 Mamyr 2019
ATYRAÝ. QazAqparat - Avtomotojoryq Jeńistiń 74 jyldyǵyna oraı uıymdastyryldy. Avtokólikter legi Atyraýdyń ortalyq kóshelerimen jáne shetimen júrip ótti. Shara rekordtyq kórsetkishtegi qatysýshylardy jınady, dep habarlaıdy QazAqparat.
"30 mototsıkl men 50 avtokólik týlarmen, áskerı beınemelermen bezendendirilip, áýejaı aýmaǵynan jol bastady. Ondaǵan shaqyrymdy júrip ótken kólikter legi joldy Jeńis saıabaǵynda aıaqtady",-deıdi «Wheels Brothers MC Atyrau» atyraýlyq motoklýb qoǵamdyq birlestiginiń jetekshisi Oleg Shmal.
Aıta ketelik, atalmysh shara barysynda joryqqa qatysýshylar Máńgilik alaýǵa gúl shoqtaryn qoıyp, soǵys qurbandaryn eske aldy.