Atyraýda jeke úıge japsarlas salynǵan 3 nysan órtendi

ATYRAÝ. QazAqparat – Atyraý qalasynda jeke ıeliktegi úıge japsarlas salynǵan 2 garaj ben ýaqytsha baspana órtenip ketti, dep habarlaıdy QazAqparat.

Oblystyq Tótenshe jaǵdaılar departamentiniń baspasóz qyzmetinen málim etkendeı, «112» kezekshi qyzmetiniń Call-ortalyǵyna 30 sáýirde saǵat 12:57-de Atyraý qalasynyń «Samal» shaǵyn aýdanyndaǵy №7 kóshede ornalasqan úıdiń aýmaǵy janyp jatqany habarlanǵan.

«Departamenttiń qyzmetkerleri oqıǵa ornyna jedel jetip, úıge jalǵanyp salynǵan jalpy aýdany 180 sharshy metr 2 garaj pen ýaqytsha úıdiń tolyqtaı órtengenin anyqtady. Órtti sóndirýge Tótenshe jaǵdaılar departamentinen 22 qyzmetker men 7 tehnıka, «Atyraý jaryq» AQ-nan 2 qyzmetker, 1 tehnıka, «104» qyzmetinen 2 qyzmetker, 1 tehnıka, jedel járdem qyzmetinen 2 qyzmetker, 1 tehnıka, polıtsııa departamentinen 6 qyzmetker, 3 tehnıka jumyldyryldy», - dep habarlady departamenttiń baspasóz qyzmetinen.

Belgili bolǵandaı, arnaıy qyzmettiń qyzmetkerleri órttiń sol mańdaǵy 3 úıge taralýyna jol bergen joq.

Eske sala ketelik, budan buryn Atyraýda kottedj órtendi.