Atyraýda jedel járdem kóligi mashınamen soqtyǵysyp, aýdarylyp qaldy

ATYRAÝ. QazAqparat – Atyraýda jedel járdem kóligi mashınamen soqtyǵysyp, aýdarylyp qaldy, dep habarlaıdy QazAqparat tilshisi.

«Amandosov – Satybaldıev kósheleriniń qıylysynda baǵdarshamnyń qyzyl túsine ótip ketken «Ford» markaly jedel járdem kóligi «Vaz-2114» markaly mashınamen soqtyǵysty. Soqqydan jedel járdem kóligi bir jaǵyna qaraı aýdarylyp qalǵan. Jol-kólik oqıǵasynan «Toıota kamrı» jáne «Lada Largýs» markaly kólikter zaqymdalǵan. Jedel járdem karetasynda bolǵan eki feldsher oblystyq aýrýhanaǵa jetkizildi. Olarǵa alǵashqy medıtsınalyq kómek kórsetilip, úılerine jiberilgen. «Vaz – 2114» kóliginiń jolaýshysy da aýrýhanaǵa jetkizilgen. Jol-kólik oqıǵasynyń mán-jaıy anyqtalyp jatyr», - dep habarlady óńirlik PD baspasóz qyzmetinen.