Atyraýda Jaıyqqa batqan 8 jasar bala qutqaryldy

ATYRAÝ. QazAqparat – Atyraýda Jaıyqqa batqan 8 jasar bala qutqaryldy, dep habarlaıdy QazAqparat.

Keshe, 9 mamyrda saǵat 15:16-da Rakýsha eldi mekeniniń turǵynynan oblystyq jedel járdem stansasyna 8 jastaǵy balanyń sýǵa batqany týraly habar túsken.

Belgili bolǵandaı, bir top bala Jaıyq ózenine shomylýǵa barǵan. Onyń biri sýǵa batyp ketken. Jaıyqqa batqan balany sol mańnan ótip bara jatqan júrginshi qutqaryp, dárigerler kelgenge deıin alǵashqy medıtsınalyq kómek kórsetken.

«Shaqyrtýǵa jedel medıtsınalyq járdemniń dárigerlik brıgadasy jiberildi. Dárigerler 8 mınýttan keıin shaqyrtý ornyna boldy. Tekserý kezinde zardap shekken 8 jastaǵy balanyń sýdy kóp mólsherde jutqany anyqtaldy. Dárigerler ony oblystyq balalar aýrýhanasyna jetkizdi», -dep habarlady oblystyq densaýlyq saqtaý basqarmasynyń baspasóz qyzmetinen.