Atyraýda Jaıyqqa batqan 16 jasar qyz qutqaryldy
21:21, 03 Maýsym 2020
ATYRAÝ. QazAqparat – Atyraýda Jaıyqqa batqan 16 jasar qyz qutqaryldy, dep habarlaıdy QazAqparat.
Oblystyq polıtsııa departamentiniń baspasóz qyzmeti oqys oqıǵanyń keshe, 2 maýsymda keshki saǵat 17:30 shamasynda bolǵanyn rastady.
Atyraý qalasyndaǵy orta mektepterdiń birinde 9-synypta oqıtyn qyzdy «Balyqshy» shaǵynaýdanynda jergilikti eki er adam qutqaryp qaldy.
«Oqýshy qyz aǵyspen Jaıyq ózeniniń ortasyna deıin aǵyp ketken. Polıtsııa qyzmetkerleri men qutqarýshylar oqýshy qyzdy ata-anasyna tapsyryp, qaýipsizdik sharalary jóninde túsindirý jumysyn júrgizdi» dep habarlady departamenttiń baspasóz qyzmeti.