Atyraýda Jaıyq jaǵasyndaǵy qorshaýdy qıratqan kólik júrgizýshisi izdestirilýde

ATYRAÝ. QazAqparat – Atyraýda Jaıyq jaǵasyndaǵy shoıyn qorshaýdy qıratqan kólik júrgizýshisi izdestirilýde, dep habarlaıdy QazAqparat.

Atyraý qalalyq ákimdigi baspasóz qyzmetiniń málimetinshe, búgin, 5 qazanda ózen jaǵasyndaǵy jaıaý júrginshilerge arnalǵan jolaqta Armenııadan ákelingen «Nonda Odyssey» markaly kóliktiń turǵany anyqtalǵan. Onyń oń jaǵy búlingen, maı aqqan. Keıin

kóliktiń jaǵalaýdaǵy shoıyn qorshaýdy qıratqany belgili boldy.

Osyǵan baılanysty oblystyq polıtsııa departamentiniń baspasóz qyzmeti kóliktiń

Mańǵystaý oblysynda tirkeýde turǵanyn málim etti.

«Qazir oqıǵa ornyna anyqtaýshylar jiberildi. Kólik júrgizýshisi izdestirilip jatyr», -dep

habarlady departamenttiń baspasóz qyzmeti.

Eske sala ketelik, buǵan deıin Atyraýda Armenııadan ákelingen kólik jolda órtenip

ketkenin jazǵan edik.