Atyraýda Jaıyq jaǵalaýyndaǵy qorshaýdy qıratqan júrgizýshige aıyppul salyndy
Buǵan deıin Atyraýda Jaıyq jaǵalaýyndaǵy qorshaýdy qıratqan júrgizýshi izdestirilip
jatqanyn habarlaǵan bolatynbyz.
Oblystyq polıtsııa departamenti baspasóz qyzmetiniń málimetinshe, 5 qazanda saǵat 04:30
shamasynda «Honda Odyssey» kóligi Jaıyq ózeni jaǵalaýyndaǵy jaıaý júrginshilerge arnalǵan trotýardan tabylǵan.
«Júrgizýshi jol qaýipsizdigin saqtamaı, qalalyq ákimdik ǵımaratynyń tusynda jaǵalaýdaǵy temir qorshaýǵa soqtyǵysqan. Kóligin sol jerde qaldyryp, oqıǵa ornynan ketip kalǵan. Polıtsııa qyzmetkerleri izdestirý is-sharasyn júrgizip, Mańǵystaý oblysynyń 26 jastaǵy turǵynyn anyqtady», -dep habarlady departamenttiń baspasóz qyzmeti.
Qazir júrgizýshige qatysty QR Ákimshilik quqyqbuzýshylyq týraly Kodeksiniń 230- babynyń 2-bóligimen (saqtandyrý polıssiz kólikti júrgizgeni úshin) 29 170 teńge, 596-babynyń 1-bóligimen (jaıaý júrginshilerge arnalǵan trotýar ústinde kólikti júrgizgeni úshin) 43 755 teńge kóleminde aıyppul salyndy. Sondaı-aq, 610-babynyń 1-bóligimen «jol-kólik oqıǵasyn jasaǵany úshin), 611-babynyń 2-bóligimen (jol-kólik oqıǵasyn jasap, ishki ister organdaryna habarlamaı, oqıǵa ornynan ketip qalǵany úshin) toltyrylǵan ákimshilik hattamalar sotqa joldandy.