Atyraýda jaıaý júrginshini mert qylǵan mas júrgizýshi ustaldy
Oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy keshe, 19 jeltoqsanda bolǵan.
«Keshe, 19 jeltoqsan saǵat 21:50 shamasynda Atyraý qalasynyń M.Áýezov kóshesinde ornalasqan 52a úı tusynda jol-kólik oqıǵasy bolǵan. Jol boıynda kele jatqan er adamdy kóligimen qaǵyp qulatqan. Júrgizýshi jol-kólik oqısy týraly ishki ister organdaryna habarlamaı, ketip qalǵan. Alǵan dene jaraqattarynyń saldarynan jaıaý júrginshi oqıǵa ornyn qaza tapqan», -dep habarlady departamenttiń baspasóz qyzmeti.
Atalǵan jol-kólik oqıǵasyna baılanysty Atyraý qalalyq polıtsııa basqarmasyna qarasty patrýldik polıtsııa batalonynyń qyzmetkerleri jol-kólik oqıǵasyna qatysy bari kólikti izdedi.
Qalanyń Stahanov kóshesinde ornalasqan garajdardyń arasynan Mercedes Benz kóligi tabyldy.
Kólikti mas kúıinde júrgizgen 1988 jylǵy júrgizýshi ustaldy. Qazir kúdikti qamaýda.
Jol-kólik oqıǵasyna baılanysty QR Qylmystyq kodeksiniń 345-babynyń 3-bóligimen jáne 347-babymen tergeý amaldary bastaldy.
Qylmystyq is Atyraý qalalyq polıtsııa basqarmasy №1 polıtsııa bóliminde tirkeldi.
Eske sala ketelik, budan buryn Atyraý oblysynda 5 adam mert bolǵan jol apatyna kináli júrgizýshi sottalǵanyn habarlaǵan bolatynbyz.
Sot úkimimen júrgizýshi S. QR Qylmystyq kodeksi 345-babynyń 4-bóligimen kináli dep tanyldy. Sottalýshy 7 jyl merzimge kólik quraldaryn basqarý quqyǵynan, 5 jylǵa bas bostandyǵynan aıyryldy.
Foto: Atyraý oblysynyń Polıtsııa departamenti