Atyraýda jasóspirimder úıiniń jańa ǵımaraty ashyldy
Jasóspirimder úıiniń qurylysyna Kaspıı qubyr konsortsıýmy 241 mln teńge jumsaǵan. Konsortsıýmnyń bas dırektory Nıkolaı Gorbannyń aıtýynsha, byltyr Atyraý oblysyndaǵy qaıyrymdylyq jobalaryn iske asyrýǵa 3 mln dollar baǵyttalǵan. Al, sońǵy bes jylda óńirdiń áleýmettik ınfraqurylymyn damytýǵa shamamen 10 mln AQSh dollary bólingen.
Atyraý qalasynyń ákimi Qaırat Orazbaevtyń málim etýinshe, jańa ǵımarat ótken XX ǵasyrdyń 60-jyldaryndaǵy nysannyń ornynan boı kótergen. Nysan 25 tárbıelenýshiniń jaıly ornalasýy úshin eseptelgen. Jobaǵa sáıkes birinshi qabatta asúı, kir jýatyn bólme, demalys bólmeleri, kınoteatr retinde qoldanýǵa bolatyn konferents-zal men jattyǵý zaly ornalasqan. Sońǵysy velojattyqtyrǵyshpen, júgirýge arnalǵan jolmen, kópfýnktsııaly birneshe sporttyq qural-jabdyqpen qamtylǵan. Ekinshi qabattaǵy jatyn bólmeler túrli jıhazben jabdyqtalǵan.
Jasóspirimder úıi balalar aýyldarynyń tárbıelenýshileri men balalar úıleriniń, jetim jáne ata-anasynyń qamqorlyǵynsyz qalǵan balalarǵa arnalǵan mektep-ınternattardyń túlekterin áleýmettik beıimdeý úshin ashylǵan. Munda 16-23 jas aralyǵyndaǵy jasóspirimder men jastar turady. Keıin jergilikti ákimdik beretin páterlerge kóshedi.