Atyraýda jas aıtyskerler EKSPO-2017 kórmesine joldama aldy

ATYRAÝ. QazAqparat - Atyraý oblysy Inder aýdanynda mektep oqýshylary arasynda ótken aıtysta top jarǵan jeńimpazdarǵa syılyq retinde EKSPO-2017 kórmesine joldama berildi, dep habarlaıdy «QazAqparat» HAA tilshisi.

«14 mekteptiń oqýshysy qatysqan aýdandyq aıtys osymen segizinshi ret ótkizilip otyr. Jas aıtyskerlerdiń arasynda tájirıbeli aqyndar da, sýyryp salma ónerine endi qadam basyp jatqan jas aıtyskerler de boldy. Balalar Alash qozǵalysynyń 100 jyldyǵyna arnalǵan máselelerdi kóterip, batyrlar týraly jyrlady. Bas júldeni «Kóktem» orta mektebiniń oqýshysy Nurasyl Isa jeńip aldy. Oǵan dıplom men noýtbýk tabys etildi», - dep habarlady aýdandyq bilim berý basqarmasynyń basshysy Berik Shákimov.

Birinshi oryndy ulttyq gımnazııa oqýshysy Bektas Tóleýǵalıev ıelendi, oǵan aýyspaly kýbok tabys etildi. Ekinshi oryndy B.Keńesov pen Sh.Serikjanov bólisti. Úshinshi oryndy I.Tólegen, A.Amankeldıev, T.Tólegen, I.Ázimgereı aldy. Olardyń barlyǵyna «EKSPO-2017» halyqaralyq kórmesine tegin joldama berildi.