Atyraýda jappaı tártipsizdik kezinde úsh kásipkerlik nysany búlingen
«Atameken» UKP Atyraý oblystyq fılıalynyń dırektory Nurlan Súıinbaevtyń aıtýynsha, úsh kásipkerlik nysanynyń ıesinen shaǵym túsken.
«Jappaı tártipsizdik kezinde avtokólik kásipornyna keltirilgen shyǵynnyń kólemi 285 myń teńge ekeni anyqtaldy. Sonymen qatar, jeke kúzet qyzmetin kórsetý mekemesi men Atyraý oblysy ákimdiginiń ǵımaratynda ornalasqan ashana men dúkenge shyǵyn keltirilgen. Bul kásipkerlik nysanyyń shyǵyn esebi anyqtalyp jatyr. Zardap shekken kásipkerlerdi qoldaý maqsatynda oblys ákiminiń sheshimimen jappaı tártipsizdik saldarynan keltirilgen shyǵynnyń kólemin anyqtaý jónindegi komıssııa quryldy. Kásipkerlerden túsken ótinishtiń bári atalǵan komıssııa otyrysynda qaralyp, naqty sheshim qabyldanady», - dep málim etti Nurlan Súıinbaev.
Eske sala ketelik, budan buryn Atyraý oblysynda jappaı tártipsizdikke qatysqan 497 adam ustalǵanyn jazǵan bolatynbyz.