Atyraýda jansaqtaý bóliminde koronavırýsqa shaldyqqan 55 naýqas jatyr

ATYRAÝ. QazAqparat – Atyraýdaǵy jansaqtaý bóliminde koronavırýs ınfektsııasyna shaldyqqan 55 naýqas jatyr, dep habarlaıdy QazAqparat.

Atyraý oblystyq densaýlyq saqtaý basqarmasynyń baspasóz qyzmeti taratqan aqparatqa súıensek, búgin ınfektsııalyq statsıonarlarda 824 adam em qabyldaý úshin oqshaýlanǵan.

Óńirdegi 2 428 tósek-orynǵa eseptelgen ınfektsııalyq statsıonarlardaǵy júkteme 33,9%-dy quraıdy.

Al, 180 oryndyq jansaqtaý bóliminde 55 patsıent jatyr.

«Naýqastardyń altaýy ókpeni jasandy jeldetý apparatyna qosylǵan. Mundaǵy júkteme 50,9%-ǵa jetti», -dep málim etti basqarmanyń baspasóz qyzmetinen.

Eske sala ketelik, buǵan deıin Atyraýda jaǵdaıy aýyr 53 naýqas jansaqtaý bóliminde jatqanyn habarlaǵan bolatynbyz.