Atyraýda janarmaı beketine shabýyl jasaǵan kúdiktiler ustaldy
20:30, 13 Qańtar 2020
ATYRAÝ. QazAqparat - Aytraýdaǵy S.Datov kóshesinde ornalasqan janarmaı beketine shabýyl jasaldy, dep habarlaıdy QazAqparat PD silteme jasap.
Oqıǵa 9 qańtar kúni tańǵy 05.40 shamasynda bolǵan. Janarmaı beketine basyp kirgen belgisiz ekeý kúsh qoldaný arqyly kúzetshi men kassırdi qorqytyp, jalpy somasy 268 myń teńgeni alyp, oqıǵa ornynan boı tasalaǵan.
«Qylmys izi sýymaı ashyldy. Oqıǵaǵa qatysty 1994 jáne 1995 jyldary týǵan eki kúdikti azamat ustalyp, olardan aqsha, basqa da aıǵaq zattar tárkilendi. Atalǵan derek boıynsha QR QK 152- babynyń 2-bóligimen sotqa deıingi tergep-tekserý amaldary júrgizilýde», - delingen polıtsııa habarlamasynda.