Atyraýda jańadan ashylatyn baqqa 750 jemis aǵashy otyrǵyzylady
08:28, 27 Naýryz 2020
ATYRAÝ. QazAqparat –Atyraý qalasyndaǵy Jeńis saıabaǵy aýmaǵynda jańa baq ashý josparlanýda. Onda 750 túp jemis aǵashy egiletin bolady, dep habarlaıdy QazAqparat tilshisi.
Kóshetterdi otyrǵyzýdy oryndaıtyn «AtyraýAgroÓnimderi» JShS-niń basshysy Vladımır Rozmetovtiń aıtýynsha, jańa baq Atyraý oblysynyń ákimi Mahambet Dosmuhambetovtiń usynysymen ashylǵaly otyr. Onda tamshylatyp sýarý tehnologııasy qoldanylady. Osyǵan oraı Atyraý qalalyq ákimdigi Jeńis saıabaǵynan 0,5 gektar jer ýchaskesin bólgen.
«Jeńis saıabaǵy aýmaǵynda ósiriletin jemis aǵashtarynyń arasynda alma men óriktiń, shıeniń birneshe túri bar. Kóshet otyrǵyzýdan bastap alǵashqy jemisin bergenge deıingi úsh jylda atqarylatyn jumystardy óz mindetimizge alyp otyrmyz. Sodan soń tıisti mekemeniń teńgerimine beriledi» - deıdi fermer Vladımır Rozmetov.