Atyraýda jańa gaz óńdeý zaýyty salynady

ATYRAÝ. QazAqparat – Atyraýda jańa gaz óńdeý zaýyty salynatyny týraly aıtyldy, dep habarlaıdy QazAqparat.

«Qazirgi tańda Qashaǵan kenishinde ınvestıtsııalyq quny 370 mlrd teńge bolatyn gaz óńdeý zaýyty qurylysynyń jobasy jasalyp jatyr. Qurylys jumystary 2021-2023 jyldar aralyǵynda júrgiziledi dep boljanyp otyr. Joba júzege asatyn bolsa, shıki munaıdyń syrtqa eksporty azaıady, óńdelgen munaıdyń eksporty artyp, daıyn munaı-hımııa ónimderin shyǵarý isi jolǵa qoıylady. Sondaı-aq qurylys kezinde 2800 jumys orny paıda bolsa, 600 jumys orny turaqty bolady»,-dep habarlady oblys ákimdiginiń baspasóz qyzmeti.

Bul rette oblys ákimdigindegiler Atyraý oblysynyń elde ınvestıtsııa tartý jaǵynan kósh bastap kele jatqandyǵyn aıtty. Óńirdiń respýblıka boıynsha tartylǵan ınvestıtsııadaǵy úlesi 28,2% qurap otyr.

Avtor: Vıktor Sýtıagın