Atyraýda jalǵa alynǵan páterden erli-zaıyptylardyń máıiti tabyldy
Atyraý oblystyq polıtsııa departamentiniń baspasóz qyzmetinen málim etkendeı, 25 shilde kúni saǵat 19:30 shamasynda 64 jastaǵy turǵyn polıtsııaǵa shaǵym túsirgen.
«Atyraý qalasynyń turǵyny 1992 jyly týǵan qyzynyń páter esigin ashpaı jatqanyn jetkizip, mekenjaıyn aıtqan. Kórsetilgen mekenjaıdaǵy ishinen kiltteýli turǵan páterdiń esigin ashý úshin oblystyq tótenshe jaǵdaılar departamentiniń qyzmetkerleri shaqyryldy. Sol kezde páterdiń ishinen 1992 jylǵy áıel men 1996 jylǵy er adamnyń múrdesi tabyldy», -dep habarlady polıtsııa departamentiniń baspasóz qyzmeti.
Qazir polıtsııa qyzmetkerleri atalǵan derekke qatysty QR Qylmystyq kodekstiń 99-babynyń 1-bóligimen tergeý amalyn júrgizýdi bastady.
Qaıtys bolǵandardyń erli-zaıypty ekeni anyqtaldy. Erli-zaıyptylardyń ortaq tórt balasy bar.
Atalǵan páterdi 1992 jylǵy áıel bir aı buryn jalǵa alǵan.
Eske sala ketelik, budan buryn Atyraýda órtengen páterden 46 jastaǵy er adamnyń máıiti tabylǵanyn habarlaǵan edik.