Atyraýda zańsyz aınalymnan 5 myńnan astam psıhotroptyq dári tárkilendi
Oblystyq polıtsııa departamentiniń bastyǵy, polıtsııa polkovnıgi Nurhat Orazbaevtyń aıtýynsha, «Dármek» is-sharasy kezinde psıhotroptyq dárilerdi zańsyz satýdyń 3 deregi tirkelgen.
«Esirtki qylmysyna qarsy is-qımyl basqarmasynyń qyzmetkerleri Atyraý qalasynda QR Ákimshilik quqyqbuzýshylyq týraly kodeksiniń 426-babymen (Farmatsevtıkalyq qyzmettiń jáne dárilik zattardyń, medıtsınalyq maqsattaǵy buıymdar men medıtsınalyq tehnıkalyq aınalasy salasyndaǵy qaǵıdalaryn buzý) 3 adamdy ustady. Máselen, Atyraý qalasynda 49 jastaǵy áıel qala aýmaǵynda 2900 dana tramadol, 76 dana trapıkamıd, 37 jastaǵy áıel 1900 dana tramadol, 36 dana trapıkamıd, al, 1997 jylǵy boıjetken 500 dana tramadol, 50 trapıkamıd dári-dármekterin zańsyz satý kezinde ustaldy. Olarǵa qatysty toltyrylǵan ákimshilik is-qujattar Medıtsınalyq jáne farmatsevtıkalyq baqylaý komıtetiniń Atyraý oblysy boıynsha departamentine joldandy», -deıdi Nurhat Orazbaev.
Eske sala ketelik, budan buryn Atyraýda sıntetıkalyq esirtki saqtaǵan 46 jastaǵy er adam ustalǵanyn habarlaǵan bolatynbyz.