Atyraýda zańsyz alańǵa tógilgen 2 300 tonna qoqys shyǵaryldy
Atyraý oblystyq ekologııa departamenti baspasóz qyzmetiniń málimetinshe, «Qazaqstan Ǵarysh sapary» UK» AQ-nyń ǵaryshtan monıtorıng júrgizý qorytyndysyna sáıkes, stıhııalyq 87 qoqys alańy anyqtalǵan. Onyń ishinde 30 qoqys alańy jeke ıelikte ekeni belgili bolyp otyr.
Atyraý qalalyq ákimdiginiń baspasóz qyzmetinen málim etkendeı, shahar aýmaǵynda 75 stıhııalyq qoqys alańy ornalasqany belgili bolǵan. Osyǵan oraı, ákimdiktiń tapsyrmasymen «Arnaýly Avtobaza» JShS-niń janynan stıhııalyq qoqys alańdaryn joıý úshin jumys toby qurylǵan.
«Qoldan jasalǵan» qoqys alańy ruqsat etilmegen jerlerge qurylys qaldyqtaryn tógý saldarynan paıda bolǵan. Qurylys qaldyqtaryn tazartýǵa «Arnaýly avtobaza» seriktestiginen 30 jumysshy men 10 arnaıy tehnıka jumyldyryldy. Osy 35 alań tazartylyp, 2 300 tonna qoqys shyǵaryldy.
«Qala kelbeti tek sáýletti úılermen, jasyl jelekti saıabaqtarmen ólshenbeıdi. Kún saıyn kórkeıip kele jatqan Atyraýdyń ajary onyń tazalyǵyna da baılanysty. Sondyqtan, qala turǵyndary qoqys úıindilerin ruqsat etilmegen jerge laqtyrmaı, arnaıy qoqys polıgondaryna aparǵan jón. Osy oraıda, ruqsat etilmegen jerge qoqys tókkenderdi baıqasańyz, «109» baılanys ortalyǵyna, Atyraý qalasy ákimdiginiń áleýmettik jelisindegi paraqshasyna jedel habarlaý suralady», - dedi ákimdiktiń baspasóz qyzmetinen.
Eske sala ketelik, budan buryn Atyraý qalasynda «100 aýla» jobasyn iske asyrý bastalǵanyn jazǵan bolatynbyz.