Atyraýda volonterler 65 mln teńge jınap, balalar alańyn salyp berdi

ATYRAÝ. QazAqparat – Atyraý volonterleri aqsha jınap, balalarǵa oıyn alańyn salyp berdi, dep habarlaıdy QazAqparat tilshisi.

Jańa alań qalaǵa taıaý ornalasqan Geolog shaǵynaýdanynda ashyldy. Bul shaǵynaýdan buryn aýyldyq okrýg edi. Keıin taratylyp, Atyraý qalasynyń aýmaǵyna endi.

«Biz balalar alańyn ashý úshin 65 mln teńge jınaǵan edik. Al Atyraý qalasynyń ákimdigi Geolog shaǵynaýdanynan jer telimin bólýge kómektesti. Endi balalar kólik jolynyń jıeginde oınamaıdy. Bul jobany 2 aı ishinde júzege asyrdyq», - deıdi eriktilerdiń biri Vladımır Kım.

Onyń aıtýynsha, balalar alańyn turǵyzatyn oryn kezdeısoq tańdalmaǵan. Qalanyń ár shaǵynaýdanyndaǵy turǵyndar, onyń ishinde balalar sanyna zertteý júrgizilgen. Buǵan jergilikti ákimdik ókilderi de qatysqan. Eriktiler dronmen áýeden barlaý jasaǵan. Sonyń nátıjesinde Geolog shaǵynaýdanyna balalar alańy qajettigi anyqtalǵan.

«Bul – bizdiń balalarymyz úshin keremet syı. Buryn balalarymyzdyń qaýipsizdigine alańdaýshy edik. Endi olar bos ýaqytyn oıyn alańynda ótkizetinine qýanyp otyrmyz. Ásirese, balalarymyzdyń qýanyshynda shek joq», - deıdi shaǵynaýdannyń turǵyny Kákıma Omarova.

Al eriktiler mundaı jobany jalǵastyrýdy kózdep otyr.