Atyraýda vaktsınalaý týraly beınerolık baıqaýynyń jeńimpazdary anyqtaldy
Baıqaýdy oblystyq ákimdiktiń qoldaýymen «Atyraý-Aqparat» medıaholdıngi uıymdastyrǵan. Medıaholdıng dırektory Ysqaq Egemberdıevtiń aıtýynsha, 6 qyrkúıekte bastalǵan baıqaýdyń júlde qory – 1 mln teńge. Baıqaýǵa 20-ǵa jýyq operator beınerolık usynǵan.
«Operatorlar beınerolıkti shyǵarmashylyq jáne kásibı turǵydan túsirýge kóńil bólgen. Barlyq beınerolık erekshe baǵalaýǵa, nazar aýdarýǵa turarlyq. Óıtkeni, olar koronavırýs ınfektsııasyna qarsy kúresti arqaý etken. Baıqaý qorytyndysymen úsh jeńimpaz anyqtaldy. Olar – kreatıvti jastar. Jeńimpazdardyń beınerolıgi áleýmettik jelide jarııalanyp, jergilikti telearnalardan kórsetiledi» - deıdi medıaholdıng dırektory Ysqaq Egemberdıev.
Birinshi oryndy ıelengen Nursultan Zııadaevqa 500 myń teńge berildi. Ekinshi júldege (300 myń teńge) Rasýl Bekmaǵambetov, úshinshi orynǵa (200 myń teńge) Ashat Tantaev ıe boldy.
Eske sala ketelik, buǵan deıin Atyraýda vaktsına saldyrǵan 6 adamnyń árqaısysy 1 mln teńge utyp alǵanyn habarlaǵan edik.