Atyraýda vaktsına saldyrǵan on adam 200 myń teńgeniń sertıfıkatyn utyp aldy

ATYRAÝ. QazAqparat – Atyraýda vaktsına saldyrǵan taǵy on adam 200 myń teńgeniń sertıfıkatyn utyp aldy, dep habarlaıdy QazAqparat.

Buǵan deıin Atyraýda vaktsına alǵandar arasynda jalpy júlde qory 40 mln teńgelik utys oıyny bastalǵanyn habarlaǵan edik.

Sodan beri «Azamattyq Alıans» zańdy tulǵalar birlestigi «Vaktsına al da, aqshalaı syılyqqa ıe bol» aktsııasynyń birneshe kezeńin ótkizdi. Al, keshe taǵy on adam árqaısysy 20 myń teńgelik sertıfıkattyń ıesi atandy.

«Turǵyndardy yntalandyrý maqsatyndaǵy aqshalaı utys oıynynyń kelesi kezeńinde 1 mln teńgelik 6 sertıfıkat oınatylady. Bul kezeń 6 qyrkúıekte ótedi. Al, utys oıynynyń bas júldesi – 10 mln teńgeni quraıtyn aqshalaı utysty qazan aıynda ótkizý josparlanyp otyr», - dep habarlady óńirlik kommýnıkatsııalar qyzmetinen.