Atyraýda vaktsına saldyrǵan boıjetken 500 myń teńgeniń týrıstik joldamasyn utyp aldy
Atyraýdaǵy «Tamasha» saýda ortalyǵy vaktsına alǵan turǵyndar arasynda utys oıynyn uıymdastyrǵan edi. Utys oıyny 24 maýsymda bastaldy.
Utys oıynyna saýda ortalyǵyndaǵy egý beketinde vaktsına saldyrǵan 2 myńnan astam adam qatysty. Aldymen eki 10 myń teńgelik, bir 30 myń teńgelik aqshalaı syılyq oınatyldy. Utystyń basty syılyǵy – 500 teńgelik týrıstik joldamanyń sertıfıkatyn Qurmanǵazy aýdanynyń turǵyny Aıda Shaıhıeva utyp aldy.
«Bir aı buryn saýda ortalyǵynda vaktsına saldyrǵan edim. Endi mine, 500 myń teńgeniń týrıstik joldamasyna ıe boldym. Bul – men úshin tosynsyı» -deıdi Aıda Shaıhıeva.
Eske sala ketelik, budan buryn Atyraýda 10 adam 200 myń, eki adam 3 mln teńgeniń aqshalaı júldesine ıe bolyp, keıin vaktsına saldyrǵan turǵyn týǵan kúninde 200 myń teńge utyp alǵan edi.