Atyraýda úzdik jas shahmatshylar velosıped pen smartfon utyp aldy

ATYRAÝ. QazAqparat – Atyraýda oblystyq shahmat týrnıriniń jas jeńimpazdary velosıped pen smartfon utyp aldy, dep habarlaıdy QazAqparat.

H.Dosmuhamedov atyndaǵy Atyraý ýnıversıtetiniń professory Sánııa Kamelovanyń júldesi úshin jas shahmatshylardyń oblystyq týrnıri ótti.

Oǵan 7-18 jas aralyǵyndaǵy 32 shahmatshy qatysty.

Jas shahmatshylar 16 taqtada oıyn kórigin qyzdyrdy. Týrnırde baq synaǵan 23 uldyń arasynan Ámiráli Abzal jeńimpaz atandy.

Professor jeńimpazǵa velosıped syılady. Al, qyzdar arasyndaǵy úzdik shahmatshy Toǵjan Aronova smartfon utyp aldy.

«Bul týrnırdi el Táýelsizdiginiń 30 jyldyq mereıtoıymen oraılastyrýdy jón kórdim. Ózim shahmatty bala kezimnen oınaımyn. Shahmat – meniń súıikti oıynymnyń biri. Adamnyń oılaý qabiletin arttyratyn bul oıynǵa balalardyń qyzyǵýshylyǵyn oıatý úshin osyndaı týrnırdi ótkizýdi oılastyrdym», -deıdi Sánııa Kamelova.

Eske sala ketelik, buǵan deıin Atyraý oblysynyń Janbaı aýylynda sport kesheni ashylǵanyn habarlaǵan edik.