Atyraýda úzdik balyqshylar marapattaldy

ATYRAÝ. QazAqparat – Atyraýda Balyqshy kúnine oraı sala úzdikteri men ardagerleri marapattaldy, dep habarlaıdy QazAqparat.

Oblys ákiminiń orynbasary Qaırat Nurlybaevtyń aıtýynsha, Atyraý óńirinde balyq

aýlaý, óńdeý isine 18 tabıǵat paıdalanýshy kásiporyn tartylǵan.

«Byltyr oblysta «Balyq sharýashylyǵyn damytýdyń 2021-2030 jyldarǵa arnalǵan

óńirlik baǵdarlamasy» qabyldandy. Sodan beri atalǵan baǵdarlamaǵa sáıkes, 9 jobany

júzege asyrý josparlanyp otyr», deıdi Qaırat Nurlybaev.

Kásibı merekege oraı «Balyq sharýashylyǵy salasyndaǵy minsiz qyzmeti úshin»

tósbelgisimen Rashıden Qalıdýllın, Meıramgúl Ońaıbaeva, Ekologııa, geologııa jáne

tabıǵı resýrstar mınıstrliginiń qurmet gramotasymen Zına Tıýmeshova men Zýhra

Ǵubashevalar marapattaldy.

Sondaı-aq, «Vostok» seriktestiginiń zveno jetekshisi Ómirzaq Azbergenov «Balyq sharýashylyǵy salasyna eńbek sińirgen qyzmetker» ataǵyna ıe boldy. Bul marapatty oǵan Ekologııa, geologııa jáne tabıǵı resýrstar mınıstri Maǵzum Myrzaǵalıev tapsyrdy.

Eske sala ketelik, budan buryn Atyraýda aýlanǵan balyqtyń 80 paıyzy eksportqa

shyǵarylyp jatqany habarlanǵan edi.