Atyraýda ustalǵan jeńil júristi qyzdardyń kópshiligi Túrkistan oblysynan kelgen
«Ýchaskelik polıtsııa ınspektorlary «Ýchaske» jedel aldyn alý sharasy kezinde jeńil júriske salynǵan 11 boıjetkendi anyqtady. Olar Avangard yqshamaýdanynda, Sátpaev, Mahambet kóshelerinde ornalasqan kópqabatty úılerdiń páterlerinde seksýaldy sıpattaǵy qyzmetterdi kórsetken. Onyń altaýy – Túrkistan oblysynan kelgender. Ustalǵan qyzdarǵa qatysty QR Ákimshilik quqyq buzý kodeksiniń 449 jáne 492-babymen ákimshilik hattama toltyrylyp, polıtsııa organdarynyń esebine alyndy. Sonymen qatar, olarǵa páterin jalǵa bergen azamattar QR Ákimshilik quqyq buzý kodeksiniń 450-babymen jazalanady» dep habarlady oblystyq polıtsııa departamentiniń baspasóz qyzmeti.
Atyraý qalasynda jyl basynan beri seksýaldy sıpatta qyzmet kórsetýmen aınalysyp, quqyqbuzýshylyq jasaǵan 70 adam jaýapkershilikke tartylǵan.