Atyraýda ushaqtyń áýejaıǵa nege shuǵyl qonǵany belgili boldy

ATYRAÝ. QazAqparat – Quzyrly organdar keshe Atyraýda ushaqtyń nege shuǵyl qonýǵa májbúr bolǵanyn tergep jatyr, dep habarlaıdy QazAqparat.

«Atyraý» halyqaralyq áýejaıy tehnıkalyq qyzmetiniń habarlaýynsha, Nur-Sultannan jolǵa attanǵan «Embraer» ushaǵynda dittegen jerge jetýge az qalǵanda dabyl iske qosylǵan. Ol maı qysymynyń tómendep ketkenin bildiretin dabyl edi. Qozǵaltqyshy isten shyqqan ushaq tótenshe jaǵdaıǵa baılanysty Atyraý qalasynyń áýejaıyna kelip qonǵan. Kemshilikti joıyp, aqqan maıdy toqtatý úshin ınjenerler jumys isteıdi. Basqa qalada turatyn jolaýshylar qonaq úıge ornalastyrylǵan.

KS984 reısimen Atyraýdan Nur-Sultanǵa jolǵa shyqqan barlyq jolaýshylar búgin basqa reıspen dittegen jerine jetkiziledi.

Eske sala keteıik, keshe keshkisin Atyraýda ushaq shuǵyl jaǵdaıda áýejaıǵa qonǵan bolatyn. Osy sebepti Nur-Sultan qalasyna jóneltiletin reıs keıinge shegerildi.