Atyraýda úsh jylý pýnktine salqyn sý berý toqtatylady

ATYRAÝ. QazAqparat – Atyraý qalasynda úsh jylý pýnktine salqyn sý berý toqtatylady, dep habarlaıdy QazAqparat.

Atyraý qalalyq ákimdiginiń baspasóz qyzmetinen málim etkendeı, «Atyraý oblysy sý arnasy» KMK 2 aqpanda D-560 mm magıstraldy sý qubyryndaǵy apatty qalypqa keltirý jumysyn júrgizýdi josparlap otyr.

«Osyǵan baılanysty 2 aqpanda tańerteńgi saǵat 10:00-den keshki 18:00-ge deıin Atyraý qalasynyń «Nursaıa» shaǵyn aýdanyndaǵy №2, 3, 5 jylý pýnktilerine salqyn sý berýdi ýaqytsha toqtatý jóninde sheshim qabyldandy. Sol sebepten atalǵan shaǵyn aýdannyń Narembaev kóshesinde ornalasqan turǵyn úıler men nysandarǵa salqyn sý berilmeıdi», -dep málim etti ákimdiktiń baspasóz qyzmetinen.

Eske sala ketelik, budan buryn Atyraý oblysynda 16 eldi mekende aýyz sý jelisi júrgiziletinin habarlaǵan edik.