Atyraýda Ulttyq saraptama ortalyǵy fılıalynyń dırektory men 13 qyzmetkeri koronavırýs juqtyrdy
Búgin atalǵan fılıaldyń bir qyzmetkerinen qaýipti indet anyqtalǵan. Keıin naýqaspen baılanysta bolǵan 13 adamnyń koronavırýs ınfektsııasyn juqtyrǵany rastaldy.
Naýqastyń biri –fılıaldyń dırektory, Atyraý oblysynyń burynǵy bas sanıtarlyq dárigeri Temirbek Musaǵalıev. Onyń ózi áleýmettik jelide indetke shaldyqqany týraly jazdy.
«Búgin men tapsyrǵan PTR test qorytyndysy oń nátıje berdi. Men sanıtarlyq qorǵanys talaptaryn saqtap, maska taqtym, qolǵap kıdim. Qolyma dezınfektsııa júrgizdim. Koronavırýstyń meni aınalyp ótetinine senimdi edim. Biraq, olaı bolmaı shyqty», -dep jazdy Temirbek Musaǵalıev.
Atalǵan fılıaldyń indet juqtyrǵan qyzmetkerleri ákimshilik personalda jumys istegen, olardyń zerthanaǵa qatysy bolmaǵan. Ortalyq ǵımaratyna dezınfektsııa júrgizilgen. Qazir zerthana qalypty rejımde jumysyn jalǵastyrýda.
Eske sala ketelik, maýsymnan beri «Embimunaıgazda» 136 adam koronavırýs juqtyrdy.