Atyraýda týberkýlez juqtyrý azaıyp, koronavırýsqa shaldyǵý 4 ese ósti

ATYRAÝ. QazAqparat – Atyraýda týberkýlez juqtyrý azaıyp, sońǵy eki aptada koronavırýs ınfektsııasyna shaldyǵý tórt ese ósti, dep habarlaıdy QazAqparat.

Oblystyq densaýlyq saqtaý basqarmasynyń basshysy Ashan Baıdýálıevtiń málimetinshe, óńirde ólim kórsetkishi ótken jylmen salystyrǵanda 8,3%-ǵa tómendegen.

«Bıylǵy jylǵy bes aıda densaýlyq saqtaý salasynda keı kórsetkishterdiń oń dınamıkasy baıqalady. Atap aıtsaq, týberkýlez dertinen bolatyn ólim 44,4%-ǵa, al atalǵan aýrýmen syrqattanýshylyq 18,5%-ǵa tómendedi. Qaterli isikke shaldyqqandar arasyndaǵy ólim 9,7%-ǵa, syrqattanýshylyq 8,9%-ǵa tómendep otyr. Qan aınalymy júıesi syrqatymen aýyratyndardyń ólimi 4%-ǵa azaıdy. Alaıda, qan aınalymymen syrqattanýshylyq 12,4%-ǵa ósip otyr», -deıdi Ashan Baıdýálıev.

Onyń deregine súıensek, Atyraý oblysynda sońǵy eki aptada Covid-19 ınfektsııasyna shaldyǵýshylar sany tórt esege ósken.

«Koronavırýs ınfektsııasynyń qaıta órshýine baılanysty Atyraý oblysynda 333 ınfektsııalyq tósek-oryn ashyldy. Jansaqtaý bóliminde 33 tósek-oryn jasaqtaldy. Bıylǵy 19 shildedegi jaǵdaıymen ınfektsııalyq statsıonarda 33 naýqas em alyp alyp jatyr. Onyń ishinde №2 oblystyq aýrýhanaǵa 28 naýqas tústi. Jansaqtaý bóliminde 1 naýqas em-dmo qabyldaý úshin oqshaýlandy. Al, Jylyoı aýdandyq ortalyq aýrýhanadaǵy ınfektsııalyq statsıonarda 4, Qurmanǵazy aýdanyndaǵy osyndaı aýrýhananyń ınfektsııalyq statsıonarynda 1 naýqas emdelýde. Jalpy ınfektsııalyq statsıonarlardaǵy tósek-oryn júktemesi 9,9%, jansaqtaý bóliminiń tósek-oryn júktemesi 3,0%-dy qurap otyr», -dedi Ashan Baıdýálıev.

Qaýipti vırýsty juqtyrǵan 272 naýqas óz úıinde em-dom qabyldaýǵa jiberilgen.

Eske sala ketelik, buǵan deıin Atyraý oblysynda koronavırýs juqtyrýshylar kóbeıip bara jatqanyn habarlaǵan bolatynbyz.