Atyraýda trıatlonnan el chempıonatynyń jeńimpazdary anyqtaldy
Oblys ákiminiń orynbasary Jasulan Bısembıevtiń aıtýynsha, maqsat – turǵyndardy buqaralyq sportqa tartý. Elimizdiń túkpir-túkpirinen 100-den astam sportshy keldi. Óńirlik kommýnıkatsııalar qyzmeti taratqan aqparatqa sáıkes, U23 jáne U17 sanaty boıynsha uıymdastyrylǵan chempıonatta 40 atyraýlyq oblys namysyn qorǵady.
«Mundaı aýqymdy saıys oblysta alǵash ret ótkizilip otyr. Atyraý qalasyn Eýropa men Azııa qurlyǵyna bólip jatqan Jaıyq ózeniniń boıynda ótken chempıonat oblysta trıatlon sportynyń qarqyndy damýyna oń áser eteri sózsiz. Jeńimpaz atanǵan sportshylardyń jańa belesterdi baǵyndyra berýine tilektespin», - dedi Jasulan Bısembıev.
Trıatlon chempıonaty úsh kezeńmen ótti. Sportshylar aldymen sýda 300 metr qashyqtyqqa júzdi. Keıin velosıpedpen 16 shaqyrymdy júrip ótti. Jarystyń úshinshi kezeńinde 2 shaqyrymǵa júgirdi.
Sonymen, jarys qorytyndysynda U23 sanatynda qyzdar arasynan qostanaılyq ıÝlıa Ozerova jeńimpaz atandy. Nur-Sultannan qatysqan Nadejda Bekmaǵambetova men Túrkistan oblysynyń ókili Arýjan Amanjanova ekinshi jáne úshinshi oryndardy bólisti.
Bul sanatta erlerden Qostnaı oblysynyń sportshysy Danıl Zýbtsovtyń baǵy janyp, 1-oryndy ıelendi. Budan keıin oryndar shymkettik Álıhan Ábýsıev pen Túrkistan oblysynyń namysyn qorǵaǵan Medet Nurǵalıevtyń enshisine tıdi.
Dúbirli dodanyń U17 sanatyndaǵy júldesiniń bárin Aqmola oblysynyń sportshylary jeńip aldy. Qyzdar arasynda aqmolalyq úsh arý – Ánel Isabaeva, Angelına Renchenko men ıÝlıana Petrova, erler arasynda aqmolalyq úsh jigit – Arlan Jańabaı, Nıkıta Dýbınskıı jáne Ábilhaıyr Kenjanov qarsylastarynan oq boıy ozyq boldy.
Trıatlon sportynan memlekettik jattyqtyrýshy Maksım Krıattyń aıtýynsha, bul dodada jeńimpaz atanǵan trıatlonshylar endi Azııa chempıonatynda el namysyn qorǵaıdy.
Eske sala ketelik, budan buryn «Atyrau Chess Festival» halyqaralyq shahmat festıvaliniń jeńimpazdary anyqtalǵanyn jazǵan bolatynbyz.