Atyraýda teris dinı aǵymdy nasıhattaǵan 40 adam jazalandy

ATYRAÝ. QazAqparat – Atyraýda teris dinı aǵymdy nasıhattaǵan 40 adam jazalandy, dep habarlaıdy QazAqparat.

Oblystyq din isteri basqarmasynyń basshysy Qaırolla Kóshqalıevtyń málim etýinshe, ǵalamtor destrýktıvti dinı aǵym ıdeologııasyn taratýdyń negizgi jelisine aınalǵan.

«Bıylǵy alty aıda «Dinı qyzmet jáne dinı birlestikter týraly» zań talaptaryn buzǵan 40 derek anyqtalyp, 40 azamatqa ákimshilik aıyppul salyndy. Osy kezeńde áleýmettik jelide dástúrli emes dinı baǵytty nasıhattaǵan 94 453 qaýymdastyq pen top buǵattaldy. Sondaı-aq, 139 240 azamattyń áleýmettik jelidegi paraqshasyna zerdeleý júrgizildi. Nátıjesinde 442 qoldanýshynyń paraqshasy dintaný saraptamasyna joldandy»,-deıdi Qaırolla Kóshqalıev.

Eske sala ketelik, budan buryn Atyraýda 24 mln teńgeniń esirtkisin satpaq bolǵan dinı aǵym ókilderi ustalǵan edi.