Atyraýda taǵy da jel kúsheıip, shańdy daýyl kóterildi
Búgin, 25 sáýirde tańerteń jańbyr sirkiregen edi. Alaıda, odan keıin jel ekpini kúsheıip, shańdy daýyldy kóterip jiberdi. Ekpini sekýndyna 20-22 metr jyldamdyqqa jetetin jel soǵyp tur.
Keshe 112 qyzmetinen «Atyraý oblysynda 25 sáýirde jel uıytqyp, shańdy daýyl bolady», - degen eskertý kelgen edi.
Al, polıtsııa qyzmetkerleri júrgizýshilerdi jolda abaı bolýǵa shaqyrdy. «Jolda júrý erejesin, kólikter araqashyqtyqty saqtaý qajet», - deıdi polıtseıler.
Eske sala ketelik, budan buryn Atyraýda eki kún qatarynan, 12 jáne 13 sáýirde shańdy daýyl soqty. Qatty jeldiń saldarynan Kaspıı jaǵalaýyndaǵy 3 gektarda qamys byqsydy.
«Atyraý qalasynda tútinniń ıisi sezildi. Osyǵan baılanysty tótenshe jaǵdaılar departamentiniń jedel toby Atyraý qalasyna jaqyn ornalasqan Damby aýylynan 30 shaqyrym qashyqtyqtaǵy Kaspıı teńiziniń jaǵalaýyna barlaý júrgizdi. Jedel top teńiz jaǵalaýyna jetken kezde qamystyń órtenbegenin anyqtady. Alaıda, «Aqjaıyq» memlekettik tabıǵı rezervatynda shamamen 3 gektar aýmaqta qamystyń tamyry byqsyp jatyr», - dep habarlady departamenttiń qoǵammen baılanys toby.
Keıin Atyraýdy taǵy da shańdy daýyl basty.