Atyraýda tabıǵatty búldirgenderge 287 mln teńgeniń aıyppuly salynǵan

ATYRAÝ. QazAqparat – Atyraý oblysynda ekologııany búldirgenderge 287 mln teńgeiń aıyppuly salynǵan, dep habarlaıdy QazAqparat tilshisi.

Atyraý oblysy boıynsha ekologııa departamentiniń basshysy Álibek Bekmuhametovtiń málimetinshe, bıylǵy 11 aıda qorshaǵan orta tazalyǵyn saqtaý maqsatynda 106 baqylaý júrgizilgen.

Onyń ishinde 28 profılaktıkalyq baqylaý, 57 jospardan tys tekserý bar. Baqylaýdyń ózge túrimen 21 ret is-shara ótkizilgen.

«Osy kezeńde ekologııalyq zańnama talaptaryn buzǵan 213 derek anyqtaldy. Qorshaǵan ortany qorǵaý zańmamasynyń talabyn buzýshylyqtardy joıý týraly 51 nusqama berildi. Anyqtalǵan zań buzýshylyqtarǵa qatysty 265 ákimshilik is qozǵaldy. Onyń ishinde 5 eskertý berilip, toqtatý týraly 16 qaýly shyǵaryldy. Buǵan qosa 36 ákimshilik is sot organdaryna qaraýǵa joldandy. Al, qalǵan 208 is boıynsha 287 mln 57 myń 606 teńge somasyna ákimshilik aıyppul salýǵa qaýly qabyldandy. Qazir 107 mln 957 myń 847 teńgeni quraǵan 7 ákimshilik aıyppul sot oryndaýshylardyń óndirisine tapsyryldy», -dep málim etti Álibek Bekmuhametov.

Onyń aıtýynsha, «SMART-OIL» JShS-ǵa jospardan tys tekserý júrgizilgen.

Sol kezde Qyzylqoǵa aýdanyndaǵy «Qarabaý Petroleým» JShS-ǵa qarasty «Qarabaý» ken orny aýmaǵynda topyraq qabaty burǵylaý shlamymen búlingeni anyqtalǵan.

Atalǵan kompanııaǵa QR Ákimshilik quqyq buzý kodeksiniń talaptaryna saı hattama toltyrylǵan.

Al burǵylaý shlamymen búlingen jer tolyq tazalanǵan.

Eske sala ketelik, budan buryn Atyraý oblysynda munaıǵa uqsas suıyqtyq tógilgen jer tabylǵanyn jazǵan bolatynbyz.