Atyraýda sybaılas jemqorlyqqa qarsy saıasat tujyrymdamasy túsindirildi
Atyraý oblysynyń ákimi Mahambet Dosmuhambetovtiń tóraǵalyǵymen ótken jıynda
2022-2026 jyldarǵa arnalǵan sybaılas jemqorlyqqa qarsy saıasat tujyrymdamasynyń
jobasy talqylandy. Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basqarma basshysynyń orynbasary Ǵıbat Kýkatov Memleket basshysynyń Joldaýyn júzege asyrýdyń jalpyulttyq josparyna sáıkes jasaqtalǵan tujyrymdama jobasynyń negizgi baǵyttary týraly túsinik berdi.
«Kontseptsııada sybaılas jemqorlyq máselesi jan-jaqty zerdelenip, 6 mindet toptamasy
qaralǵan. Bul – sybaılas jemqorlyqqa qarsy tózbeýshilikti qalyptastyrý; jemqorlyq
múmkindikterin barynsha azaıtý; jaýapkershilikten bultara almaýdy qamtamasyz etý;
azamattyq qoǵamdy sybaılas jemqorlyqpen kúreske odan ári keńinen tartý; sybaılas jemqorlyqqa qarsy saıasatty monıtorıngileý; jemqorlyqqa qarsy qımyl jasaıtyn ókiletti organnyń qyzmetin odan ári jetildirý. Qazir sybaılas jemqorlyqqa qarsy kúres
profılaktıkalyq sıpatqa ıe bolyp, sybaılas jemqorlyqtyń aldyn alýǵa baǵyttalǵan.
Bizdiń qyzmetimizdiń aktsenti júıeli problemalardy sheshýge aýysyp, parasattylyq ıdeologııasyn ilgeriletý boıynsha belsendi jumys júrgizilip otyr», -deıdi Ǵıbat Kýkatov.
Oblys ákimi Mahambet Dosmuhambetov kóterilgen máseleniń mańyzdylyǵyn atap ótip, jergilikti atqarýshy organdarǵa antıkorrýptsııalyq saıasat kontseptsııasynyń jobasyn muqııat zerttep, usynystar engizý qajettigin, sybaılas jemqorlyqqa qarsy is-
qımyldardy turaqty túrde iske asyrýdy tapsyrdy. Al, kezdesýge qatysýshylar sybaılas jemqorlyqqa qarsy saıasatty, memleket pen bıznestiń ózara is-qımylyn odan ári jetildirýge qatysty usynystar berdi.
Eske sala ketelik, buǵan deıin Atyraýda 6 mln teńgeni jymqyrǵan mektep dırektory
sottalǵanyn jazǵan bolatynbyz.