Atyraýda sybaılas jemqorlyq týraly habarlaǵan 5 adamǵa syıaqy berildi
22:09, 09 Mamyr 2020
ATYRAÝ. QazAqparat –Atyraýda sybaılas jemqorlyq faktisi týraly habarlaǵan 5 adamǵa qarjylaı syıaqy berildi, dep habarlaıdy QazAqparat.
Sybaılas jemqorlyqqa qarsy is-qımyl agenttigi sybaılas jemqorlyq qylmystardy anyqtaý, jolyn kesý, ashý jáne tergeý boıynsha aqparat bergeni úshin nemese ózge de túrde kórsetilgen járdem úshin qarjylyq yntalandyrý mólsherin ulǵaıtqan. Máselen, agenttiktiń Atyraý oblysy boıynsha departamenti baspasóz qyzmetiniń habarlaýynsha, bıylǵy birinshi toqsanda jergilikti 5 azamatqa 700 myń teńgeden astam qarjylaı syıaqy berilgen.
Sondaı-aq, quqyq qorǵaý organynyń 1 qyzmetkerine sybaılas jemqorlyq qylmysyn ashýǵa kómekteskeni úshin alǵys jarııalanǵan.
«Bul shara sybaılas jemqorlyqqa qarsy kúreste halyqtyń azamattyq ustanymyn jandandyrýǵa baǵyttalyp otyr»6 -dep habarlady departamenttiń baspasóz qyzmeti.