Atyraýda sýpermarkette shý shyǵarǵan turǵyn 20 kúnge qamaldy

ATYRAÝ. QazAqparat –Atyraý qalasyndaǵy sýpermarkette buzaqylyq áreket jasaǵan turǵyn 20 kúnge qamaýǵa alyndy, dep habarlaıdy QazAqparat.

Áleýmettik jelide taraǵan vıdeodan er adamnyń kassa janynda ilýli turǵan vıtrınaǵa shyǵyp alǵany kórinedi. Buzaqy vıtrınany qozǵap, tipti «mılıtsııa» shaqyrýdy talap etken.

«Bul oqıǵa «Avangard» shaǵynaýdanyndaǵy sýpermarkette bolǵan. Atyraý qalasynyń turǵyny saýda ornyna mas kúıinde kelgen. Munda mas adam satýshylarmen ursysyp qalǵan» -dep habarlady oblystyq polıtsııa departamentiniń baspasóz qyzmeti.

Qoǵamdyq tártipti buzǵan er adam QR Ákimshilik quqyqbuzýshylyq týraly Kodekske saı jaýapkershilikke tartyldy. Sot oǵan 20 kúnge ákimshilik qamaýǵa alý túrindegi jaza qoldandy.