Atyraýda sýpermarketke jarylǵysh zat qoıyldy dep jalǵan habar bergen turǵyn ustaldy

ATYRAÝ. QazAqparat - Atyraýda sýpermarketke jarylǵysh zat qoıylǵanyn habarlaǵan turǵyn ustaldy, dep habarlaıdy QazAqparat tilshisi.

«Polıtsııaǵa belgisiz er adam kelip, Balyqshy shaǵyn aýdanynda ornalasqan «Semıa» sýpermarketine jarylǵysh zat qoıylǵanyn habarlaǵan. Sýpermarkettiń ǵımaraty tolyqtaı qorshalyp, ondaǵy adamdar evakýatsııalandy. Eshqandaı jarylatyn qural tabylmady. Jedel-izdestirý is-sharalary barysynda osyndaı qylmysy úshin jazasyn ótep shyqqan kúdikti ustaldy.

«QR QK terrorızm týraly jalǵan habar taratý» baby boıynsha sotqa deıingi tergeý jumystary bastaldy», - dep habarlaıdy polıtsııa departamentiniń baspasóz qyzmeti.

Vedomstvoda atap ótkendeı, sońǵy 2 jylda Atyraý oblysynyń aýmaǵynda jarylǵysh zat qoıylǵany týraly 6 jalǵan habar tirkelgen.