Atyraýda sý súzetin eki jańa stansany tezirek iske qosý kerek - Prezıdent

ATYRAÝ. QazAqparat - Qasym-Jomart Toqaev Atyraý jurtshylyǵymen kezdesýde óńirdegi aýyz sý máselesine toqtaldy, dep habarlaıdy QazAqparat.

«Sý súzetin eki jańa stansany tezirek iske qosý kerek.«Astrahan – Mańǵystaý» sý qubyrynyń 80 paıyzy ábden tozǵan. Ony jańǵyrtý jumystaryn tezdetý qajet. Sonymen birge, Úkimet Edilden jańa sý qubyryn tartý máselesi boıynsha banktermen, qarjy ınstıtýttarymen kelissózdi jandandyrýǵa tıis. Aımaqtaǵy sýarý kanaldarynyń kópshiligi tozyp tur. Bıyl 3 kanaldy jóndeýge respýblıkalyq bıýdjetten qarjy bólindi. Taǵy 11 kanaldy qalpyna keltirý kerek. Úkimetke aldaǵy eki jylda osy jobalarǵa qarjy bólý máselesin qarastyrýdy tapsyramyn. Halyqty aýyz sýmen qamtamasyz etý – memlekettiń mindeti. Sondyqtan, bul máseleniń sheshimin sozbalańǵa salýǵa bolmaıdy», - dedi Prezıdent jıynda.