Atyraýda sý aıdyndarynan 5 myń torly aý shyǵaryldy

ATYRAÝ. QazAqparat – Atyraýda jyl basynan beri sý aıdyndarynan 40 mln teńgeniń 5myń torly aýy shyǵaryldy, dep habarlaıdy QazAqparat.

Atyraýda balyq sharýashylyǵy salasynyń mamandarymen kezdesken Ekologııa, geologııa

jáne tabıǵı resýrstar mınıstrliginiń balyq sharýashylyǵy komıteti tóraǵasynyń

orynbasary Aıan Bahııanovtyń aıtýynsha, sý aıdyndarynda torly aýdy qoldanýǵa salynǵan tyıymdy ózgertýge esh negiz joq.

«Sý marjandarynyń qory jyl saıyn azaıyp barady. Balyq qoryn bolashaq urpaqqa

saqtap qalý úshin osyndaı moratorıı engizýge májbúrmiz. Alaıda, máseleniń mán-jaıyn

túsinbeıtinder bar. Máselen, Atyraýda balyq sharýashylyǵy qaýymdastyǵy mundaı

tyıymnyń tıimsiz ekenin alǵa tartyp otyr. Sebebi, balyq aýlaýdyń basqa quraldaryn

alýǵa ýaqyt kerek deıdi. Ekinshiden, tordan basqa quralmen aýlaýdy biletin balyqshy

tapshy ekenin aıtady, - dedi Aıan Bahııanov.

Oblystyq balyq sharýashylyǵy basqarmasynyń basshysy Artýr Sádibekulynyń

aıtýynsha, qazir balyqtardyń popýlıatsııasy joıylýdyń aldynda tur.

«Eger torly aýdy paıdalanýdy doǵarmasaq, baǵaly bekireni aıtpaǵanda, qara balyqtan da

aıyrylyp qalýymyz múmkin. Al, bekireniń jaǵdaıy tipten qıyn. Atyraýda jyl saıyn 7

mıllıon bekire shabaǵy óziniń tabıǵı ortasyna jiberiledi. Shabaqtyń kóbi torǵa shyrmalyp, teńizge jetpeı, ólip qalady. Osydan keıin balyq sharýashylyǵyn qalaı damytamyz? Balyq júretin joldy torlap tastasaq, qalaı ósip-ónedi? Sondyqtan, mundaı moratorıı der kezinde engizilip otyr», -deıdi oblystyq balyq sharýashylyǵy basqarmasynyń basshysy Artýr Sádibekuly.

Al, «Jaıyq-Kaspıı» oblysaralyq basseındik balyq sharýashylyǵy ınspektsııasynyń

basshysy Nurlybek Ǵaısınniń dereginshe, Kaspıı teńizi men Jaıyq ózenin torly aýdan tazalaýda qıyndyq kezdesip otyr.

«Bizdiń ınspektsııa mamandary demalysty ábden umytty. Torly aýdy qurǵan adam balyǵyn alyp, boı tasalaıdy. Al, torly aýdy jınap jatqan eshkim joq. Eger torǵa shyrmalǵan balyqty der kezinde shyǵaryp almasa, kelesi kúnge jetpeı óledi. Qolynda balyq aýlaýǵa ruqsat qaǵazy bar adamǵa tyıym sala almaımyz. Tipti, ózderi qurǵan tordy «meniki emes» dep moıyndamaıtyndary qanshama? Jyl basynan beri zańsyz qurylǵan 5 myńnan astam tor tárkilendi. Solardyń jalpy quny 40 mln teńgeden asady», - deıdi ol.

Qytaı men Reseıde jasalatyn balyq aýlaý quraldary shekaradan qurylys materıaldary

retinde ótip jatyr. Osy olqylyqtyń aldyn alý úshin kedenshilerge tolyqqandy tekseris

engizý jóninde usynys-hat ta joldanǵan.

«Búginde balyq ósirýshi kásipkerge, ne sharýashylyq qurylymyna shyǵynnyń ótemi retinde 30 paıyzǵa deıin sýbsıdııa bólinýde. Buryn bul tizimde bekire, ​ albyrt balyqtary ǵana bolsa, qazir onyń qatary aravan, tsıhlıd, lat, shaıan tárizdilermen tolyqqan. Memleket balyq shabaqtaryn emdeýge arnalǵan dárilik preparattardy satyp alýǵa, atalyq, analyq balyqtardy kútip-ustaýǵa ketken shyǵyndy 50 paıyzǵa deıin sýbsıdııalaıdy. Tıisti qujattaryn tapsyrǵan sharýashylyq sýbektisiniń ótinishi bes jumys kúni ishinde qaralady»,- deıdi balyq sharýashylyǵy komıteti tóraǵasynyń orynbasary Aıan Bahııanov.

Eske sala ketelik, budan buryn Jaıyq ózeninen brakonerler qurǵan 12 torly aý

shyǵarylǵanyn jazǵan bolatynbyz.