Atyraýda sot-saraptama ortalyǵynyń zerthanasy salynady
Turǵyndarmen kezdesýde Atyraý ákiminiń orynbasary Shákir Keıkın qalanyń jáne qala mańyndaǵy aýyldyq okrýgterdiń damý josparlaryn, sondaı-aq jańadan salynatyn medıtsınalyq mekeme - sot saraptama ortalyǵynyń zerthanasy týraly aıtyp berdi.
«Saryózek kentinde birqatar áleýmettik nysandardyń qurylysy josparlanǵan, onyń ishinde zerthanasy bar zamanaýı medıtsınalyq mekeme. Qurylysty aıaqtaǵanǵa deıin jumysqa jergilikti turǵyndardy shaqyrý josparlanyp otyr, al paıdalanýǵa berilgennen keıin, medıtsına qyzmetkerlerinen basqa, tehnıkalyq jáne qyzmet kórsetý qyzmetkerleri jumysqa qabyldanady. Ǵımarat barlyq sanıtarlyq normalarǵa sáıkes salynatyn bolady, sondyqtan jergilikti turǵyndar úshin alańdaýshylyq týǵyzbaıdy», - dep túsindirdi Shákir Keıkın.
Saryózek turǵyndarymen kezdesýge Sot-saraptama ortalyǵy oblystyq fılıalynyń, Atyraý oblystyq qurylys basqarmasynyń ókilderi, sondaı-aq nysan qurylysyn salýmen aınalysatyn merdigerlik mekeme ókilderi qatysty. Qurylys basqarmasynyń basshysy Málik Amanovtyń aıtýynsha, medıtsınalyq mekemeniń qurylysy bastaldy, merdiger - «Gamma S» JShS. Qurylystyń aıaqtalý merzimi - 2019 jyldyń sońy.
Óz kezeginde jergilikti turǵyndar avtobýs qyzmeti, mekteptiń, sapaly joldardyń, trotýarlardyń, aıaldamalardyń, kóshe jaryqtarynyń jáne oıyn alańdarynyń joqtyǵy týraly aıtty.
«Qazirgi ýaqytta №4 Gagarın atyndaǵy mektepte bizdiń 355 bala avtobýspen qatynap oqyp jatyr. Bizdiń aýylda mektepter salý máselesin qalaı sheshýge bolady? Sonymen qatar, aýylda balalar bos ýaqyttarda oınaı alatyn birde-bir oryn joq», - dedi jergilikti turǵyn Jetkinshek Tólegenov.
Ákim orynbasarynyń aıtýynsha, taıaý arada osy eldi mekende ınjenerlik kommýnıkatsııalar - sý qubyrlaryn, joldar men trotýarlardy tóseý, sondaı-aq, jaryqtandyrý men avtobýs aıaldamalaryn ornatý josparlanyp otyr. Sonymen qatar, Saryózek yqsham aýdanynda jergilikti turǵyndar oblys ortalyǵyna ońaı jetý úshin avtobýs qyzmetin uıymdastyrýdy josparlap otyr.
«Mekteptiń qurylysy máselesi qaıshylyq týdyrady, óıtkeni nysan aýyldyq jerdegi qajetti oqýshylar men synyptar sanyna sáıkes salynýy kerek. Mysaly, eger mekteptiń standarty boıynsha keminde 300 orynǵa arnalǵan bolsa, onda 600-ge jýyq oqýshy oqıdy - ár aýysymda 300. Sondaı-aq, shtattyq keste boıynsha keıbir synyptarda oqýshylar jetkiliksiz bolady. Balalardyń demalysy týraly aıtatyn bolsaq, bıyl biz balalar alańdaryn jetkilikti túrde salýdy josparlap otyrmyz, bul eldi meken de shet qalmaıdy», - dedi Shákir Keıkın.
Aıta keteıik, Saryózek yqsham aýdanynda jeke turǵyn úı qurylysyna bólingen jer telimderinde salynǵan úıler bar. Jaqyn jerde eki saıajaı qoǵamy bar. Zańǵa sáıkes ınjenerlik kommýnıkatsııalar jeke turǵyn úı qurylysy úshin berilgen jer ýchaskelerine ǵana tartylady. Baý-baqsha qoǵamdarynyń músheleri IKI-di derbes júzege asyrýy tıis.