Atyraýda sot múgedektiń menshik quqyǵyn qorǵady

ASTANA. QazAqparat - Atyraý  qalalyq sotynda talap qoıýshy B.-nyń «Atyraý qalalyq ákimi apparaty» memlekettik mekemesine qatysty turǵyn úıge menshik quqyǵyn taný týraly talapy aryzyna sáıkes azamattyq is qaraldy.

Іs qujattarynan onyń aýrý saldarynan 3-toptaǵy múgedek bolyp, bul úıde týylǵannan beri anasymen birge turǵany, basqa jaqyn týystarynyń joqtyǵy, sý tasqyny kezinde onyń ata-anasy turǵyzǵan úıdiń qulaǵany, aýyldyq okrýg ákiminiń qoldaýymen eski úıdiń ornyna jańa úı turǵyzylǵany, alaıda talap qoıýshy jer ýchaskesi onyń qaıtys bolǵan anasynyń atyna tirkelmegendikten jáne jer aktisi berilmegendikten, jańa úıdi óz atyna tirkeı almaǵany anyqtaldy.

Ákimdik apparatynyń qyzmetkerleri men basqa da memlekettik organdardyń ókilderi sotta jańadan salynǵan úıdi jer ýchaskesimen talap qoıýshy jeke menshigi dep tanýǵa qarsy bolmaǵan.

Sot sheshimimen múgedektiń talaby qanaǵattandyrylyp, onyń úı salýǵa menshik quqyǵy tanyldy.

Sot sheshimi zańdy kúshine engen joq.