Atyraýda sıntetıkalyq esirtki satpaq bolǵan teris dinı aǵymnyń ókili ustaldy
04:21, 08 Maýsym 2020
ATYRAÝ. QazAqparat –Atyraýda sıntetıkalyq esirtki satpaq bolǵan teris dinı aǵymnyń ókili ustaldy, dep habarlaıdy QazAqparat.
Atyraý oblystyq polıtsııa departamenti ekstremızmge qarsy kúres basqarmasynyń qyzmetkerleri UQK departamentimen birge ótkizgen jedel-izdestirý operatsııasy kezinde sıntetıkalyq esirtki ótkizbek bolǵan azamatty ustady.
«Kúdiktiniń jasy 32-de. Tekserý kezinde onyń teris dinı aǵymnyń ókili ekeni anyqtaldy. Odan sıntetıkalyq esirtki zattary, tyıym salynǵan dinı ádebıetter, qoldan jasalǵan jarylǵysh zattardy daıyndaýǵa qajetti komponentter tárkilendi», -dep habarlady oblystyq polıtsııa departamentiniń baspasóz qyzmeti.
Kúdiktige qatysty QR Qylmystyq Kodekstiń 297-baby jáne 256, 174-baptarymen sotqa deıingi tergep-tekserý bastaldy. Teris dinı aǵymnyń ókili qamaýǵa alyndy.