Atyraýda sıntetıkalyq esirtki saqtaǵan 46 jastaǵy er adam ustaldy
Oblystyq polıtsııa departamentiniń bastyǵy, polıtsııa polkovnıgi Nurhat Orazbaevtyń aıtýynsha, kúdikke ilingen er adam sıntetıkalyq esirtkini jaldamaly páterde saqtap kelgen.
«Esirtki qylmysyna qarsy is-qımyl basqarmasy men UQK Atyraý oblysy boıynsha departamentiniń qyzmetkerleri birlesip ótkizgen is-shara kezinde tyıym salynǵan sıntetıkalyq esirtkini saqtaǵan kúdikti ustaldy. Kúdiktiniń ózi turǵan jaldamaly páterden esirtki zattary tabylyp, tárkilendi. Saraptama qorytyndysyna sáıkes, tárkilengen esirtki zattary 907,12 gramm marıhýana, 51,12 gramm gashısh ekeni dáleldendi», -deıdi Nurhat Orazbaev.
Qazir quramynda esirtkisi bar ósimdikterdi saqtaǵany úshin 1976 jylǵy kúdiktige qatysty QR Qylmystyq kodeksiniń 296-babynyń 3-bóligimen sotqa deıingi tergep-tekserý bastaldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, buǵan deıin Atyraýǵa esirtki satýǵa kelgen qaraǵandylyq kelinshek ustalǵanyn jazǵan bolatynbyz.