Atyraýda shóp órtenip, aýada kómirtegi totyǵy shekti mólsherden asyp ketti

ATYRAÝ. QazAqparat – Atyraýda daladaǵy shóp órtenip, aýada kómirtegi totyǵynyń shekti mólsherden asqany anyqtaldy, dep habarlaıdy QazAqparat.

Oblystyq tótenshe jaǵdaılar departamentiniń qoǵammen baılanys tobynan málim etkendeı, órt 26 tamyz saǵat 16:54-te bastalǵan.

«Atyraý qalasynyń sol jaq bóligindegi dalalyqta qurǵaq shóp órtendi. Jalyndy sóndirýge tótenshe jaǵdaılar departamentinen 5 qyzmetker, 1 tehnıka, «Semser «Órt sóndirýshi» JShS-nyń 3 qyzmetkeri men 2 tehnıka tartyldy», -dep habarlady departamenttiń qoǵammen baılanys toby.

Munaıly shahar turǵyndarynyń alańdaýshylyǵyn týdyrdy. Olar áleýmettik jelide aýa sapasynyń nasharlaǵanyn aıtyp, pikir qaldyrdy.

Osyǵan baılanysty oblystyq ekologııa departamentiniń baspasóz qyzmeti qurǵaq shóp órtengen mańnan atmosferalyq aýa synamasy alynǵanyn málim etti.

«Ekologııa departamentiniń mamandary qala aýmaǵynyń atmosferalyq aýasynan synama aldy. Synamalardy taldaý nátıjesinde kómirtegi totyǵynyń ruqsat etilgen shekti shoǵyrlanýdan asqany anyqtaldy», -dep habarlady departamenttiń baspasóz qyzmeti.

Turǵyndar qurǵaq shóp órtengenine ılanbaı otyr.

Eske sala ketelik, budan buryn Atyraý oblysynda qorada jınalyp turǵan 50 býma shóp órtenip ketkenin jazǵan edik.